689688086  academiaaranesalenguaoccitana@gmail.com

ERA ACADÈMIA PARTICIPE ENA PRESENTACION DES DICTADES EN LINHA

RtJ7Puff

Eth president der Institut d’Estudis Aranesi-Acadèmia aranesa dera lengua occitana, Jusèp Loís Sans, participèc, eth 16 de gèr de 2019, ena presentacion des Dictades en Linha elaborades pera Direccion Generau de Politica Lingüistica dera Generalitat

Era directora generau de Politica Lingüistica, Ester Franquesa, presentèc es 90 naui dictades des Dictades eth Linha (lengua.gencat.cat/Dictades), er esturment interactiu qu’a coma objectiu facilitar er aprenentatge dera lengua occitana enes variantes aranesa e referenciau. Ena session tanben i participèc eth secretari generau deth Cercle d’Afrairament Occitanocatalan (CAOC), Joan Cardona.

Pendent er acte se hec ua demostracion deth foncionament der esturment a cargue dera cap deth Servici de Recorsi Lingüistics dera DGPL, Angels Guerrero e deth responsable der Airau de Coordinacion, Xavier Moral. Fin finau, es responsables de méter votz as dictades, era professora d’aranés Elisa Salomon, eth lingüista e membre deth conselh scientific de Lo Congrès Permanent dera Lenga Occitana Rafèu Sichel-Bazin, e eth jornalista Ferriol Macip, qu’a elaborat era prepausta e era supervision des locucions, expliquèren anecdòtes des enregistraments.

Es Dictades eth linha permeten escotar, escríuer e autocorregir interactivament eth tèxte des d’ordenadors, mobils e tauletes es 90 dictades des nivèus elementau (B1) e intermiei (B2). 60 ne son en aranés e 30 en occitan estandard. Es dictades son concebudes entà trabalhar 15 tipes de dificultats ortografiques.

Era elaboracion des tèxtes a anat a cargue de persones expèrtes en cada ua des variantes dera lengua occitana. Entar aranes, era professora Montse Pedarrós, e l’escritor e bibliotecari en Vielha, Xavier Gutiérrez. E en cas der occitan referenciau, es tèxtes an anat a cargue deth professor e assessor lingüistic deth jornau digitau Jornalet, Gerard Joan Barceló, e deth jornalista e escritor, e tanben collaborador de Jornalet Manel Zabala.

vaOosqtM