689688086  academiaaranesalenguaoccitana@gmail.com

Era Acadèmia ena DGPL

 IMG 8529

Eth passat dijaus dia 8 de hereuèr, eth President der Institut d’Estudis Aranesi-Academia aranesa dera lengua occitana, s’entrevistèc damb era Sra. Estèr Franquesa, Directora Generau de Politica Lingüistica entà presentar-li es darrères publicacions dera acadèmia:

A.- Vocabulari Basic der aranés, damb mès de 2500 entrades e un milenat de toponims. Ei un auanç sus eth Diccionari qu’a d’aparéisher, en un procés normau, laguens d’un parelh d’ans. Conten es formes fonamentals d’un emplec corrent dera lengua.

B.- Vocabulari dera Tecnologia dera informacion. Quinsevolh lengua modèrna a d’auer definit aguest encastre que tant s’emplegue ena nòsta vida quotidiana.

C.- Sang Nòble e Sang deth Pòble: noveleta de Jusèp Condò, qu’encara non s’auie publicat ena grafia normativa. Daurís ua naua colleccion «modèls de lengua».

D.- Eth Mercadèr de Venècia de Shakespeare, traduïda per Antòni Nogués. Un aute modèl de lengua.

E.- Un Triptic de Joan Coromines e era Val d’Aran. Coromines ei un gran referent der estudi dera nòsta lengua.

Tanben informèc ara Directora Generau es projèctes que s’estan trabalhant: elaboracion deth Diccionari aranés, determinacion dera conjugason des vèrbs, elaboracion d’un vocabulari ortografic, determinacion dera toponimia major dera Val d’Aran, estructuracion dera gramatica der estandard, ena articulacion d’un vocabulari basic der estandard, elaboracion deth vocabulari dera nhèu, determinacion dera forma fonetica des paraules fonamentals der aranés,…