689688086  academiaaranesalenguaoccitana@gmail.com

Amassada dera Acadèmia damb eth Congrès Permanent de la Lenga Occitana

Images3

Jusèp Loís Sans, President dera Acadèmia aranesa dera lengua occitana a participat ena amassada deth Conselh Lingüistic deth Congrès Permanent de la Lenga Occitana que s’a celebrat en Tolosa eth dia 9 d’octobre de 2021. Ena amassada an participat 14 membres entre es que destacam, eth President deth Congrès Permanent Gilbert Mercadier e eth President deth Conselh Lingüistic Patric Sauzet. Tanben an participat Patrici Pojada e Jacme Taupiac que son Membres numeraris der Institut d’Estudis Aranesi-Acadèmia aranesa dera lengua occitana, e qu’an internegut en bèra ocasion coma membres dera Acadèmia, e qu’ath madeish temps son Membres deth Conselh Lingüistic deth Congrès Permanent. Ath long dera amassada er IEA-AALO a presentat era Acadèmia as Membres deth Congrès Permanent, s’an presentat es auanci deth Congrès Permanent en recorsi sus era lengua occitana, s’an explorat formes de collaboracion entre es dues institucions, s’a discutit sus eth concèpte de lengua estandard, s’an valorat quauques formes graticaus e lexiques…