689688086  academiaaranesalenguaoccitana@gmail.com

Constitucion IEA-AALO

Diapositiva1

Eth 3 de juriòl de 2014, entàs 19 ores, ena sedença deth Conselh Generau d’Aran s’amassèren es quinze persones que constituïren era Acadèmia Institut d’Estudis Aranesi- Acadèmia aranesa dera lengua occitana.
Auien estat convocats pera Generalitat de Catalonha e peth Conselh Generau d’Aran entà dar compliment ath Decret 12/2014 de 21 de gèr.

Era seleccion des quinze persones, l’auie realizat eth Conselh de Politica Lingüistica der occitan-aranés composat per quate representants deth Conselh Generau d’Aran e quate dera Generalitat de Catalonha. Es quinze persones seleccionades son Patrici Pojada, Joan Salles Lostau, Angelina Cases, Maria Elvira Riu, Rosa Salgueiro, Jusèp Loís Sans, Domergue Sumien, Aitor Carrera, Miquèu Segalàs, Joan-Pau Ferré, Bernat Arrous, Florian Vernet, Jacme Taupiac, Jèp de Montoya e Lordes España. I faltèc Pèire Bèc, qu’auie mostrat era sua volentat de participar-i, e d’èster membre der Institut d’Estudis Aranesi-Acadèmia aranesa dera lengua occitana, mès que desgraciadament moric cinc dies abans dera amassada.
Jèp de Montoya actuèc de President dera amassada de constitucion e Lordes España n’ère era Secretària. S’aprovèren es Estatuts e era Acta de constitucion. Se constituïc era Acadèmia dera lengua occitana de Catalonha, era soleta acadèmia de Catalonha damb era sedença ath delà de Barcelona, era soleta Acadèmia de Catalonha damb sedença ena Val d’Aran, damb sedença en Occitana, era soleta institucion damb eth rang juridic d’acadèmia plaçada en Occitània.