689688086  academiaaranesalenguaoccitana@gmail.com

DEBAT SUS ERA SENTÉNCIA DETH TC

170404 Web Anna Azamar

Eth dissabte 24 de març entàs 16 ores ena sedença dera Acadèmia se hec ua cambi d’impressions damb quauques personalitats sus era Sentencia deth Tribunau Constitucional qu’anulle era preferéncia der aranés ena Lei der occitan. Era session auie estat organizada entà recéber ena Acadèmia a diuèrsi deputats deth Pralament de Catalonha. Entre es qu’auien confirmat era sua assisténcia en cau destacar a Ernest Maragall, a Javier Ribas e a Anna Geli. Tanben auie confirmat bèth deputat dera Deputacion de Lhèida. Es darrèrs aconteishements dera politica catalana obliguèren a qu’es deputats auessen d’èster presents en Parlament de Catalonha e non podessen assistir ara amassada ena Acadèmia. Maugrat tot era amassada se realizèc damb era preséncia de Anna Azamar, Senadora (autora dera pregunta en Senat ath Ministre portanveu deth Govèrn, Mendez de Vigo, que dèc ua repòsta inadequada e pòc respectuosa, damb era lengua dera Val d’Aran). Tanben i èren present en debat eth Director Generau de Patrimoni dera Generalitat, er aranés Jusèp Maria Boya, eth coordinador der occitan dera Direccion Generau de Politica Lingüistica eth Sr. Xavier Moral e eth cosso der Ajuntament de Les Sr. Hug de la Rosa. Pera Acadèmia i sigueren presents, eth sòn President, Jusèp Loís Sans, era Secretària Ròsa Maria Salgueiro, eth vocal Miquèu Segalàs e eth President dera Seccion aranesa, Sr. Jèp de Montoya. Eth debat permetec descorbir e reflexionar sus es conseqüéncies e es motivacions der Estat Espanhòu entà auer arribat ara Senténcia.