skip to Main Content
(+34) 973920421 (+34)660170951 secretaria@institutestudisaranesi.cat

Er IEA-AALO damb era RAE

Eth 18 de gèr, er Institut d’Estudis Aranesi-Acadèmia aranesa dera lengua occitana s’entrevistèc damb era Real Academia Española. Era delegacion dera Acadèmia aranesa ère composada peth sòn President Jusèp Loís Sans e peth President dera Seccion aranesa Jèp de Montoya. Ena Real Academia Española sigueren recebuts peth sòn Director Sr. Dario Villanueva. En ua trobada que durèc ath torn d’ua ora es membres aranesi expliquèren era formacion, era estructura e es òbres dera Acadèmia occitana e eth Director dera RAE expliquèc eth funcionament e era estructura dera RAE e dera Asociación de Academias de la Lengua Española. Des dera Acadèmia aranesa se mostrèc fòrça interès per ua estructura que respectant es estats diuèrsi sus era qu’ei presenta era lengua espahòla a sabut mantier ua unitat a trauès dera creacion dera Associacion de Academias, que garantise era unitat lingüistica basica. Eth modèl ei perfectament aplicable ara realitat occitana, presenta en quate estats diferents.

Back To Top