689688086  academiaaranesalenguaoccitana@gmail.com

Er IEA-AALO presidís era dubertura de cors deth IEC

 MG 121522

Eth passat deluns dia 26 d’octobre eth President der Institut d’Estudis Aranesi-Acadèmia aranesa dera lengua occitana, copresidic era dubertura de cors der Institut d’Estudis Catalans, ena Sala Prat de la Riba dera institucion catalana. Convidat per Excellentíssim Sr. Joandomenec Ros, President der Institut d’Estudis Catalans er acte compdèc damb era entrega de nomenaments a membres emerits deth IEC, e damb er otorgament des insígnies as naui membres numeraris. Era conferéncia inaugurau siguec impartida peth Sr. Jordi Casanova, dera seccion de Ciéncies Biologiques deth IEC, jos eth titol de “Animals, tanmateix”, en que reflexionèc sus eth caractèr animal des èsters umans. Er dubertura deth cors acabèc damb era actuacion musicau dera pianista Alba Ventura. Er acte servic entà qu’eth Secretari Generau deth IEC, Sr. Romà Escalas, presentèsse era memòria deth cors 2014-2015 e entà qu’eth President deth IEC valorèsse era naua situacion politica que viu Catalonha e eth papèr der Institut d’Estudis Catalans coma “forjador dera identitat nacionau de Catalonha”: “mos moiguem entà continuar hènt ciéncia e hènt país ath madeish temps”.
Ath long der acte eth President deth IEC, que manifèstec era sua ajuda e supòrt ara Acadèmia aranesa dera lengua occitana presentèc a Jusèp Loís Sans e ar Institut d’Estudis Aranesi-Acadèmia aranesa dera lengua occitana e li dèc era paraula entà un discors (traduccion ath catalan) en que parlèc des relacions occitanocatalanes ath long dera istòria.

Pòs veir tot er acte en

https://www.youtube.com/watch?v=7zu24q5CHAI

_MG_132333