Era Directora dera EOI de Lhèida visite era Acadèmia

Judit Boria, Directora dera Escòla Oficiau d’Idiòmes de  Lhèida a visitat era Acadèmia aranesa dera lengua occitana e a mostrat un interès important pes òbres dera Acadèmia e en especiau peth Diccionari catalan-aranés. Cau rebrembar qu’era EOI de Lhèida a un espaci dedicat ar occitan dera Val d’Aran ena sua Bibliotèca, en qué i figuren totes es òbres dera Acadèmia. A estat recebuda peth President Jusèp Loís Sans e per Tonho Castet Membre dera Acadèmia.