689688086  academiaaranesalenguaoccitana@gmail.com

Eth Departament de Cultura hè public eth prumèr Cens d’entitats de foment der occitan

2018.11.13 Occita.jpg 100753168.jpg 1611611142

Vielha, 14 de noveme de 2018.- Eth Diari Oficiau dera Generalitat de Catalonha a publicat eth prumèr Cens d’entitats de foment der occitan, creat eth darrèr mes de junh de 2018. En aguest cens an estat includides es entitats Associacion culturau Institut Aranés, de Lhèida; l’Associacion entara Difusion d’Occitània en Catalonha (ADOC), de Barcelona; l’Associacion Es Paums, dera Val d’Aran; e eth Cercle d’Agermanament Occitan-Català (CAOC), de Barcelona.

Aguesta incorporacion les iguale damb aqueres autes que fomenten eth catalan e supause impulsar es politiques en favor dera lengua occitana, pròpria d’Aran. Atau madeish, dar supòrt ara labor des entitats que trabalhen entà fomentar er occitan, qu’ei oficiau en Catalonha, cossent damb er Estatut e era Lei 35/2010, de 1 d’octobre, der occitan, aranés en Aran. Es persones que hèsquen donacions ad aguestes entitats pendent enguan 2018, poderàn dedusir 15% dera aportacion, damb un limit maximal de 10% dera quòta autonomica, ena Declaracion de Renda, en 2019.

Era creacion deth Cens d’entitats de foment der occitan se some a d’autes accions dera Direccion Generau de Politica Lingüistica entath foment der occitan en Catalonha, coma era linha de subvencions entara sua promocion, eth supòrt ath Conselh Generau d’Aran entara normalizacion der aranés, e eth supòrt ar Institut d’Estudis Aranesi, coma Acadèmia aranesa dera lengua occitana.

 

Hònt: Departament de Cultura Generalitat de Catalonha