689688086  academiaaranesalenguaoccitana@gmail.com

Eth President dera Deputacion visite er IEA-AALO

Foto17

Eth passat 14 d’abriu er IEA-AALO recebec, enes dependéncies de Casau, era visita deth President dera Deputacion de Lhèida Joan Reñé i Huguet. Siguec recebut peth President der IEA-AALO, Jusèp Loís Sana e pera Vicepresidenta Angelina Cases. Realizèren ua amassada ena qu’eth President dera Deputacion recebec es explics dera estructura, des funcions e dera importància de qu’era Val d’Aran e era província de Lhèida agen aguesta Acadèmia en sòn territòri. Eth President dera Deputacion se sentec satisfèt dera existéncia der IEA-AALO e i mostrèc fòrça interès. Eth President dera Deputacion anaue acompanhat deth Vicesindic d’Aran Loís Carlos Medina e deth Conselhèr Francesc Vidal, deth Deputat provinciau e cosso der Ajuntament de Vielha Pau Perdices, der Alcalde Pedaneo de Casau e deth Cap de Cultura, Patrimoni e Politica Lingüistica deth Conselh Generau d’Aran Sr. Jèp de Montoya que tanben ei membre der IEA-AALO.
Abans d’anar-se’n eth President dera Deputacion signèc en libre d’aunor der Institut d’Estudis Aranesi-Acadèmia aranesa dera lengua occitana.

foto19                  foto18