skip to Main Content
(+34) 973920421 (+34)660170951 secretaria@institutestudisaranesi.cat

PRESENTACION AS SERVICIS LINGUISTICS DETH PARLAMENT

Eth passat dia 3 de junh eth President dera Acadèmia, eth Sr. Jusèp Loís Sans, e eth President dera Seccion aranesa, presentèren as Servicis Lingüistics deth Parlament de Catalonha, er Institut d’Estudis Aranesi-Acadèmia aranesa dera lengua occitana e es darrères publicacions. Convidats pera Directora des Servicis Lingüistics deth Parlament, era Sra. Margarida Sanjaume, es trebalhadors èren especiaument interessats ena Gramatica basica der occitan aranés e ena Normativa ortografica der occitan estandard. En ua amassada de durèc pròp de dues ores se podec hèr un respàs des critèris lingüistics e sociolingüistics que s’an valorat ena confeccion des òbres e se comentèren quauqui des problèmes damb es que se trape eth Parlament en sòn trebalh de revirada ar occitan. Convengueren en besonh d’establir ua comunicacion mès establa entà poder hèr un seguiment des dificultads qu’apareishen. Cada un des trebalhadors sigueren obsequiats damb un exemplar des òbres.

Back To Top