skip to Main Content
(+34) 973920421 (+34)660170951 secretaria@institutestudisaranesi.cat

PUBLICACION DERA GRAMATICA DER ARANÉS

Er Institut d’Estudis Aranesi-Acadèmia aranesa dera lengua occitana ven de publicar era Gramatica der occitan aranés. Aguesta òbra d’ues 160 pagines a estat elaborada, pendent quate ans de trabalh, damb era participacion de mès de vint persones deth mon dera lingüistica e deth coneishement dera lengua occitana e especiaument dera varianta aranesa.
Damb aguesta òbra era Acadèmia complète era definicion basica der aranés coma varianta dera lengua occitana. En totau son dètz òbres que van des dera Gramatica dera lengua estandard enquiath Diccionari der aranés, publicat est’an passat, passant pes vocabularis tematics dera nhèu e des tecnologies o era definicion dera conjugason des verbs en aranés.
D’ara enlà eth trabalh fondamentau dera Acadèmia, coma autoritat lingüistica der occitan en Catalonha, s’orientarà ena actualizacion d’aguestes publicacions, en tot partir dera consideracion der aranés coma ua lengua viua e coma mòstra dera lengua occitana.
Deuant des dificultats de presentacion dera òbra produïdes pera COVID-19, era Acadèmia organizarà entàs setmanes que vien ua presentacion telematica dera Gramatica der aranés e de tot eth projècte lingüistic der Institut d’Estudis Aranesi.

Back To Top