skip to Main Content
(+34) 973920421 (+34)660170951 secretaria@institutestudisaranesi.cat

Er Institut d’Estudis Aranesi – Acadèmia Aranesa dera Lengua Occitana ei era autoritat lingüistica dera varianta aranesa dera lengua occitana, e a per objectius era nauta investigacion der aranés, er assessorament en aguesta matèria e er establiment dera sua normativa lingüistica. Ena sua activitat, era Acadèmia seguís es principis dera Gramatica Occitana de Loís Alibèrt, pr’amor qu’er aranés, ei part integranta der espaci lingüistic occitan. Atau, collabòre danben damb d’autes entitats de recèrca entar establiment dera normativa lingüistica de referéncia entath conjunt dera lengua occitana.

Seccions

Era Acadèmia s’estructure en dues seccions:

Seccion aranesa

Encargada d’establir e actualizar era normativa lingüistica dera varietat aranesa dera lengua occitana, damb autoritat lingüistica sus aguesta varietat.

Composicion actuau: Jèp de Montoya, Ròsa Maria Salgueiro, Angelina Cases, Lourdes España, Miquèu Segalàs, Jusèp Loís Sans, Maria Elvira Riu, Bernat Arrous e Jusèp Antòn Castet.

Seccion estandard

Encargada d’aconselhar sus era unitat dera lengua occitana e eth tronc comun.

Composicion actuau: Claudi Balaguer, Jacme Taupiac, Florian Vernet, Patrici Pojada, Joan Salas-Lostau, Felip Carbona, Franc Bardou, Miriam Bras.

Organs de govèrn, gestion e representacion

Eth Plen

Organ superior de govèrn qu’a de resòler tot çò que se referís ara vida collectiva dera institucion, n’a d’aprovar es linhes generaus d’accion e eth pressupòst, e contròtle era gestion des cargues e des atui organs de govèrn. Ei tanben qui valide es decisions de tipe normatiu e es eventuaus produccions dera Acadèmia.

Ei constituït per toti es membres numeraris.

Composicion actuau: Jèp de Montoya, Ròsa Maria Salgueiro, Angelina Cases, Lourdes España, Miquèu Segalàs, Claudi Balaguer, Jusèp Loís Sans, Maria Elvira Riu, Bernat Arrous, Jusèp Antòn Castet, Jacme Taupiac, Florian Vernet, Patrici Pojada, Joan Salas-Lostau, Felip Carbona, Franc Bardou, Miriam Bras.

Eth Conselh Permanent

Actue per delegacion deth Plen e exercís eth govèrn regular dera Acadèmia.

Ei format peth president dera Acadèmia, er Equip de Govèrn e es presidents des Seccions.

Composicion actuau:

President – Jèp de Montoya

Vicepresidenta – Ròsa Maria Salgueiro

Secretària – Angelina Cases

Vocau – Lourdes España

President dera Seccion Aranesa – Miquèu Segalàs

President dera Seccion Estandard – Claudi Balaguer

Er Equip de Govèrn

Sosten ath president enes sues foncions executives e administratives. Ei format per un maxim de tres membres, e a d’auer vicepresident e secretari.

Composicion actuau:

Vicepresidenta – Ròsa Maria Salgueiro

Secretària – Angelina Cases

Vocau – Lourdes España

Eth President

Ei eth representant ordinari dera Acadèmia.

President actuau: Jèp de Montoya

Societat filiau d’Istòria, Patrimòni e Identitat

A per objectiu eth coitiu dera Istòria, Patrimòni e Identitat, coma especialitats vinculades estretament damb era lengua. Ei ua entita autonòma.

Composicion actuau: Thaïs Rodés, Isaura Gratacós, Mari Pau Gómez, Patrici Pojada, Joan Carlos Riera, Josep Lluís i Ginovart, Alberto Velasco, Alvaro Aunós e Carlos Fañanás.

Back To Top