689688086  academiaaranesalenguaoccitana@gmail.com

Trobada der IEA-AALO damb eth Comitat dera Lenga

IMG 20150225 WA0005

Eth passat 25 de hereuèr ua delegacion der IEA-AALO compausada peth sòn president Jusèp Loís Sans, era sua vicepresidenta Angelina Cases e per Jèp de Montoya, membre der IEA-AALO e Cap de Politica Lingüistica, Cultura e Patrimòni deth Conselh Generau d’Aran mantengueren ua amassada d’intercambi d’impressions e de presentacion d’institucions damb eth Comitat dera Lenga des Nauti Pirinèus, en Tarba. Aguest Comitat ei un organ assessor en matèria de lengua occitana deth Conselh Generau des Nauti Pirinèus. Se tracte d’ua institucion creada pera decision politica deth Departament entà auer un organ assessor e orientador ena correccion e ena aplicación dera promocion lingüistica dera lengua pròpria deth territòri.
Es dues institucions, er Institut d’Estudis Aranesi-Acadèmia aranesa dera lengua occitana e eth Comitat dera Lenga, se descurbiren mutuauments qu’auien finalitat semblantes e possibles sinergies comunes, que les portaràn a auer-se en compde en desvolopament des sues competéncies.
Era delegacion der IEA-AALO siguec recebuda iniciaument, ena sedença deth Conselh Generau, peth Vicepresident deth Departament Sr. André Fourcade e per encargat de Mission Cultura Occitana e Territòris Sr Robèrt Tamburello. Dempús eth Sr. Tamburello les acompanhèc entara amassada damb eth Comitat dera Lenga. Es membres deth Comitat dera Lenga que sigueren presents son: Bernat Dubarry, Ives Capdetrey, Pèir Loubère, Francís Betbeder, Miquèu Pujol, Jean-Pierre Birabent, Joan Loís Lavit e Bernat Arrous que tanben ei membre der IEA-AALO.
Es dues institucions convengueren en valorar enes sues organizacions es possibilitats de trebalhs en conjunt.

 

20150225_162115