Celebracion des 40 ans deth TERMCAT

Era Vicepresidenta der IEA-AALO, Ròsa Maria Salgueiro, assistíc ara celebracion des 40 ans de trabalh e modernizacion deth catalan deth TERMCAT, consorci adscrit ara Generalitat de Catalonha per miei deth Departament de Politica Lingüistica, que auec lòc en Palai de Pedralbes eth 29 de noveme deth 2025.

Pendent er acte, eth Conselhèr en convèrsa damb Anna Murgadas, constactèc era importància istorica deth TERMCAT e ne destaquec eth sòn paper. En marc der acte, tanben se visitec era exposicion Quaranta ans acompanhant cambis sociaus a trauès des tèrmes, que recuelh quaranta tèrmes , un per an, que reflectissen era evolucion dera nòsta societat pendent aguest temps.

TERMCAT arribe ara celebracion damb era volontat de servici e collaboracion, mantenguda des deth prumer dia. Er anniversari siguec tanben era ocasion ta hèr un reconeishement as professionaus e a totes es persones implicades qu’an trabalhat e collaborat pendent tot aguest temps damb era institucion.