Disponible era app deth DOA, eth diccionari occitan aranés entàs telefòns mobils

Er Institut d’Estudis Aranesi – Acadèmia Aranesa dera Lengua Occitana a lançat era aplicacion mobila deth DOA (Diccionari der Occitan Aranés) entà dispositius Android e iPhone. Era app, que ja se pòt descargar en Google Play e en App Store, permet consultar de manèra senzilla e clara eth diccionari en linha basat en eth corpus dera òbra normativa, damb 15.000 entrades, includint un suplement de 500 entrades addicionaus publicat en 2022.

Aguesta airina digitau, desvolopada pera Acadèmia, facilite er accès ara lengua occitana ena sua varietat aranesa, en tot adaptar era consulta deth diccionari ar usatge quotidian e as naues tecnologies. Er objectiu ei aufrir un recors de referéncia entà parlants, estudiants e persones interessades ena lengua e ena cultura occitanes.