Era Acadèmia participe ena presentacion deth libre «Incinerar eth Mite» de Merche Llop

Eth passat dissabte 14 de març, Merche Llop presentec eth sòn poemari «Incinerar eth Mite», tradusit ar aranés peth membre dera Acadèmia, Ramon Sistac.

Eth president dera Acadèmia, Jèp de Montoya e er expresident, Jusèp Loís Sans, heren era presentacion e eth comiat, respectivament, der acte literari.

Pendent era session, s’èren lectures de diuèrsi poemes en diferentes lengües coma er aragonés, eth galhèc o er euskera per part deth pròpi Ramon Sistac o per part de vidèos des traductors des autes lengües.

Er acte auec lòc ena libreria Era Alquimia de Vielha.

Ena fòto de portada era autora, Merche Llop damb: eth traductor, Ramon Sistac, damb eth president dera Acadèmia, Jèp de Montoya, er expresident dera Acadèmia, Jusèp Loís Sans, e eth president dera seccion aranesa, Miquèu Segalàs.

Presentacion der acte per part deth President dera Acadèmia, Jèp de Montoya

Er espaci e era collaboracion d’Era Alquimia, libreria-cafeteria de Vielha, siguec indispensable tar acte.

Autora, Merche Llop, e traductor, Ramon Sistac, membre dera Acadèmia.