Er Institut d’Estudis Aranesi – Acadèmia Aranesa dera Lengua Occitana a presentat eth libre *Era Val d’Aran ena Guèrra de Succession, en Decrèt de Naua Planta e ena Guèrra dera Quadrupla Aliança*, de Joan Carles Riera Socasau, ua òbra que permet d’apregondir ena istòria dera Val d’Aran en un periòde clau dera istòria de Catalonha e d’Euròpa.
Er acte a començat damb ua brèva introduccion sus er autor e era òbra, a cargue de Ròsa Maria Salgueiro, vicepresidenta dera Acadèmia.
Er autor, Joan Carles Riera Socasau, ath long dera presentacion a expausat eth contengut deth libre, centrat en periòde dera Guèrra de Succession, eth Decrèt de Naua Planta e era Guèrra dera Quadrupla Aliança, atau coma ena repercussion d’aguesti eveniments ena Val d’Aran.
Era òbra contribuís a apropar ara poblacion eth coneishement d’uns hèts istorics fondamentaus entà compréner eth passat deth territòri e era sua evolucion.
Aguesta publicacion represente tanben ua aportacion ara difusion dera istòria aranesa en aranés e ath compromís damb era preservacion e era promocion dera lengua occitana dera Val d’Aran.
