Eth projècte dera «Istòria d’Aran» ei un projècte de grana envergadura der Institut d’Estudis Aranesi – Acadèmia Aranesa dera Lengua Occitana. A era intencion de contribuïr ara identitat aranesa publicant ua colleccion completa d’òbres detalhades, trabalhs academics e articles exaustius sus era istòria deth nòste pais.
Aguest trabalh collabore damb era investigacion dera lengua occitana aranesa, que dejà trabalhe aguesta institucion, a traués der estudi des modèls e perfils de lengua que cau utilizar en cada encastre, hènt mès ric eth vocabulari e lexic, ampliant definicions, etc.
Tot pòble a ua istòria, e tot pòble que se prede dera sua personalitat a ua istòria particulara, e «Istòria d’Aran» estructure e definís aguesta istòria e la publique en ua unica colleccion accessible a tot eth public.
