Patrici Pojada, nau president der Institut d’Estudis Occitans

En encastre dera amassada deth Conselh d’Administracion der Institut d’Estudis Occitans, reünit eth 27 de mai IEO, Patrici Pojada —membre dera Seccion Estandard der Institut d’Estudis Aranesi – Acadèmia Aranesa dera Lengua Occitana e dera Societat Filiau d’Istòria, Patrimòni e Identitat— siguec elegit president der Institut d’Estudis Occitans Federau. En sòn prumèr discors coma president, Pojada exprimic era consciéncia dera responsabilitat que supause eth cargue e reafirmèc era volentat de hèr auançar era causa dera lengua occitana damb pragmatisme, perseverança e vision panoccitana. Soslinhèc era importància d’assegurar ua continuïtat dera accion, tot encarnant un renauiment necessari, en tot bastir un projècte collectiu dubèrt, participatiu e rigorós. Eth nau Conselh, paritari e representatiu des diuèrsi orizons dera Federacion, trabalharà entà arténher es objectius marcadi, damb era ambicion qu’er IEO torne jogar un ròtle centrau ena promocion, socializacion e defensa dera lengua e cultura occitanes.