Pau Bofill Amorós visite era Acadèmia

Eth passat diuendres 13 d’hereuèr, era Acadèmia recebec era visita de Pau Bofill Amorós, lingüista en Poznan (Polonia). Hè de professor de catalan gràcies a un projècte der Institut Ramon Llull e trabalhe ena “recèrca sus naui parlants der aranés”, d’aciu eth sòn interès per conéisher çò que se trabalhe ena Acadèmia. Siguec acompanhat per Joan Riu, exalcalde de Vielha e siguec recebut pera Sra. Ròsa Maria Salgueiro, vicepresidenta dera Acadèmia.