Presentacion de “Dòn Quishòt” en occitan en Institut d’Estudis Ilerdencs

Eth passat 24 d’abriu, er Institut d’Estudis Ilerdencs (IEI) acuelhèc er acte de presentacion dera traduccion aranesa de “Dòn Quishòt d’Era Mancha”, un nau pas entara projeccion dera lengua occitana. Era session comencèc damb era intervencion institucionau deth president dera Deputacion de Lhèida, Sr. Joan Talarn, qui destaquèc era importància dera collaboracion culturau damb er Institut d’Estudis Aranesi – Acadèmia Aranesa dera Lengua Occitana. Era Sra. Ròsa Maria Salgueiro, vicepresidenta dera Acadèmia, presentèc era institucion e era vitalitat dera lengua occitana. Seguidament, Jusèp Loís Sans, cotraductor dera òbra, expliquèc eth procès de traduccion d’aguest classic universau. Era jornada, fòrça ben acuelhuda peth public, confirmèc eth gran interès ena cultura e era lengua dera Val d’Aran.