Clausura deth cors academic der Institut d’Estudis Aranesi ena Delegacion de Barcelona

Eth pròplèu dijaus 18 de deseme de 2025, er Institut d’Estudis Aranesi – Acadèmia Aranesa dera Lengua Occitana (IEA-AALO) clausurarà, per prumèr còp en Barcelona, eth sòn cors academic. Er acte se celebrarà ena delegacion qu’era institucion a dubèrt recentaments en carrèr deth Carme, en Institut d’Estudis Catalans (IEC).

Era cerimònia començarà tàs 19 ores e serà presidida per Jèp de Montoya, qu’aufrirà eth discors de benvenguda. A continuacion, Jusèp Loís Sans presentarà era Memòria d’activitats deth cors 2025.

Compdaram damb era actuacion dera cantautora Olga Miracle, e tanben damb era conferéncia Jusèp Condò, un literat deth sòn temps, a cargue de Joan Calsapeu. Dempús, se presentarà era revista Eth Jornalet, a cargue de Zep Armentano, director dera publicacion, e de Ferriol Macip, director editoriau de Eth Jornalet.

Un còp acabat er acte e hèta era fòto de familha, s’aufrirà ua còpa de cava en claustre der IEC.