Clauson deth 12au cors academic

Eth pròplèu dissabte 27 de deseme de 2025, er Institut d’Estudis Aranesi – Acadèmia Aranesa dera Lengua Occitana (IEA-AALO) clausurarà eth sòn 12au cors academic. Er acte se celebrarà en Hotèl Tuca de Betren.

Era cerimònia començarà as 19 ores e serà presidida per Jèp de Montoya. Era jornada compdarà damb conferéncies e damb un resum des principaus hites artenhudes pendent eth 2025: era dubertura dera naua sedença en Barcelona, era normatiua der aranés, era ampliacion deth diccionari, es publicacions des Colleccions dera Acadèmia, Era Pireneido, era Bibliotèca dera ‘Scolo deras Pirineos e es nauetats ena Istòria d’Aran.

Tanben s’i presentaràn es principaus linhes de trabalh entath futur.

Er acte se clausurarà damb eth Liurament des Prèmis Literaris Mn. Amiell dera Fondacion Ager. 

Un còp finalizat er acte e hèta era fotografia de familha, s’aufrirà ua còpa de cava.