Eth dia e era Setmana des Acadèmies

Per prumèr viatge es dotze Acadèmies Catalanes celebren de manera conjunta ua setmana d’activitats entà visibilizar era sua tasca.

Catalonha estrenèc, pendent eth mes de noveme, era Setmana des Acadèmies, ua setmana que presentèc un ampli programa d’activitats que metie en dialòg es disciplines de dret, ciencia, medicina, economia, arts e umanitats.

Er acte central auec lòc eth 12 de noveme, en Palai dera Generalitat, e siguec presidit peth President, M.O. Sr. Salvador Illa e peth Conselhèr de Justicia, O. Sr. Ramon Espadaler. En acte, toti damb eth rèste de presidents des autes acadèmies de Catalonha, i siguèc present eth nòste President Jèp de Montoya.

Tanben se realizec ua presentacion dera Setmana des Acadèmies en Parlament de Catalonha eth dia 30 deth madeish mes, damb eth President M.O. Josep Rull, ena quau assistic era Vicepresidenta der Institut d’Estudis Aranesi-Acadèmia Aranesa dera Lengua Occitana, amassa damb autes autoritats, era Sra. Ròsa Maria Salgueiro.

Damb aguesti actes, se celèbren es 3 sègles de sciencia, cultura e lengua, damb era presentacion des dotze Acadèmies catalanes (laguens des quaus se trape er Institut d’Estudis Aranesi – Acadèmia aranesa dera lengua Occitana). Pendent aguesta setmana, se trobarà damb er Institut d’Estudis Catalans ena dubertura dera naua delegación der IEA en Barcelona.