Participacion en er acte d’omenatge a Enric Garriga Trullols

Eth 28 de mai se celebrèc en Col·legi Oficial de Doctors i Llicenciats en Filosofia i Lletres i en Ciències de Catalunya (Barcelona), er acte d’omenatge a Enric Garriga Trullols, un des membres fondadors e president dera entitat deth Cercle d’Agermanament Occitano-Català (CAOC) e der Institut de Projecció Exterior de la Cultura Catalana (IPECC).

Enric Garriga Trullols, que celebrarie eth sòn centenari pendent eth 2026, a estat un des protagonistes mès destacats dera promocion dera lengua occitana en Catalonha, subertot enes inicis deth sècle XXI. Ei per açò que es sues entitats de referéncia s’amassèren damb d’auti collaboradors e interesadi en un omenatge marcat peth reconeishement ara militancia culturau en benefici deth catalan e der occitan. Presentat per Esther Lucea, presidenta deth CAOC, i participèren diuèrsi membres d’entitats, associacions e institucions. Entre eri, eth Sr. Jusèp Loís Sans, ex-president e membre der IEA-AALO, que siguèc present telematicament. Era soprano Olga Miracle e metèc era musica.