Era Acadèmia participe en Mai Aranés dera UB

Er Institut d’Estudis Aranesi – Acadèmia Aranesa dera Lengua Occitana participèc agèr, dia 18 de mai, damb ua conferéncia deth Sr. Jusèp Loís Sans, expresident dera institucion, en cicle d’activitats e conferéncies deth «Maig Aranès a la Universitat de Barcelona» organizat pes Servicis Lingüistics dera madeisha universitat.

Aguesta programacion anuau a era volontat de difóner e promocionar era lengua e era cultura occitana aranesa ena Universitat mès tanben ara poblacion en generau, a partir de cicles sos tèmes lingüistics e culturaus e damb era participacion de persones e institucions vinculades ara lengua e ara cultura occitana aranesa.

Era conférencia deth dia 18 siguec titolada «Una lucha pel l’occitan» e siguec en collaboracion damb Núria Comas e Esther Lucea deth Cercle d’Agermanament Occitano-Català. Es tres conferenciants parlèren sos era important figura d’Eric Garriga Trullols e dera oficialitat der occità en Catalonha.