Era Acadèmia collabòre damb eth Certamen Nacionau Infantil e Juvenil de Lectura en Votz Nauta

Eth passat diuendres 28 de març auec lòc era semifinau deth Certamen Nacionau Infantil e Juvenil de Lectura en Votz Nauta, ena sala Audiovisuau de Vielha, tamb era participacion de centres educatius dera Val d’Aran e dera Nauta Ribagòrça, de cicle miei de primària enquia 2on. d’ESO. Ròsa Salgueiro, vicepresidenta dera Acadèmia, formèc part deth jurat, amassa damb Júlia Moyà, assessora LIC dera Nauta Ribagòrça e Clara Villar, tecnica de lengua deth Conselh Generau d’Aran. Es tres, aueren eth rèpte de puntuar era diccion, era interpretacion e eth ritme dera lectura. Era decision siguec molt dificila e es puntuacions molt ajustades. Es finalistes, competiràn ena finau, que se celebrarà en Sòrt (Palhars Sobiran) pendent eth mes de mai.