Bibliotèca dera Escòlo deras Pirenéos
Era Bibliotèca ei formada pes aportacions des bibliotèques particulares de Bernat Sarrieu, de Raymond Lizop, de Jules e Ivonne Ponsolle, fondadors, presidents, secretaris generaus e mantienedors dera Scolo deras Pireneos, escòla felibrenca des Pirenèus creada en 1904. Aguesta escòla siguec eth centre dinamizador, e de major produccion escrita, dera renaishença literària e der emplec der occitan ena montanha gascona e era Val d’Aran pendent era major part deth segle XX. Era documentacion ei tota era referida ar aranés, ath gascon e ar occitan, e incorpòre mès de dues mil òbres escrites en occitan e referides a toti es parçans d’Occitània, de Provença enquia Gasconha, damb especiau referéncia ara montanha gascona e ara Val d’Aran. S’i pòden trobar trabalhs inedits de diuèrsi escritors e estudiosi, entre es quaus bèth aranés. Entar estudi der occitan aguesta documentacion constituís un referent dera maxima qualitat e consisténcia.