Dòn Quishòt en aranés arribe enquiara Bibliotèca de Catalonha e er Institut d’Estudis Catalans

Eth passat 1 d’abriu, eth president der Institut d’Estudis Aranesi – Acadèmia Aranesa dera Lengua Occitana, Jèp de Montoya, entreguèc un exemplar dera version aranesa de Dòn Quishòt ara Bibliotèca de Catalonha e un aute ar Institut d’Estudis Catalans. Ena sua visita ar IEC, siguec recebut pera presidenta dera institucion, Teresa Cabré. Aguesta donacion simbolize eth reconeishement dera importància dera lengua aranesa en encastre culturau catalan.