Eth conselhèr de Cultura dera Generalitat Lluís Puig visite era Acadèmia

Eth passat dijaus 31 d’agost, eth conselhèr de Cultura dera Generalitat de Catalonha, Lluís Puig, acompanhat deth sindic d’Aran, Carlos Barrera e dera directora generau de Politica Lingüistica dera Generalitat, Ester Franquesa, visitèc era sedença der IEA-Acadèmia aranesa dera lengua occitana. Tanben acompanhèren ath Conselhèr eth Vicesindic d’Aran Sr. Carlos Medina, eth Director Generau de Patrimoni dera Generalitat, Jusèp Boya,  e d’autes personalitats. Ena Acadèmia, eth Conselhèr, participèc en ua amassada ena sala grana, damb eth President dera Acadèmia, Jusèp Loís Sans, era Vicepresidenta, Angelina Cases, era Secretària, Ròsa Salgueiro, eth Vocau, Miquèu Segalàs e eth President dera Seccion aranesa, Jèp de Montoya. Eth Conselhèr, e es sòns acompanhants, mostrèren interès peth foncionament e es produccions dera Acadèmia.

Pendent era visita, eth conselhèr de Cultura auec era oportunitat de conéisher es trabalhs qu’amie a tèrme er Institut e de conéisher tanben es darrères publicacions editades, damb es que se l’obsequièc, e es projèctes hèti e de futur.

Pera sua part eth conselhèr regalèc ara Academia un exemplar de ” Occitània en Catalonha: de tempses novèls, de novèlas perspectivas”. Actes De l’XI Congrès de l’Associacion Internacionala d’Estudis Occitans. Editat peth departament de Cultura dera Generalitat.