Eth projècte europèu RISE UP visite era Acadèmia

Diuèrsi participants deth projècte europèu Rise Up (https://www.riseupproject.eu) an visitat aué era sedença dera Acadèmia. Eth projècte, fondat pera Union Europèa, se centre ena revitalizacion de lengües minorizades e era preservacion dera diuersitat culturau. I participen membres de diuèrsi organismes e endrets, coma Minds & Sparks (Àustria), era Universitat de Tartu (Estònia),  Espronceda (Catalonha), Nurogames (Alemanha) o Soas University of London (Règne Unit), entre d’auti. An estat recebudi per Ròsa Maria Salgueiro, vicepresidenta dera Acadèmia, Miquèu Segalàs, president dera Seccion Aranesa, e Jusèp Loís Sans, membre dera Seccion Aranesa. Es dues parts an explicat es sòns respectius projèctes e visions sus era lengua, d’ua forma constructiva e damb era volontat de crear pònts e trobar punts en comun. Es visitants qu’ac an desirat an estat obsequiats damb es publicacions dera Acadèmia qu’an estat deth sòn interès.