Exit en Madrid damb era presentacion dera prumèra traduccion de “Dòn Quishòt” ar occitan

Eth passat 22 d’abriu, era Bibliotèca dera Fondacion Ortega Marañón de Madrid acuelhèc damb gran succès era presentacion dera prumèra traduccion aranesa de “Dòn Quishòt d’Era Mancha”. Er acte, organizat peth Ministèri de Cultura e er Institut d’Estudis Aranesi – Acadèmia Aranesa dera Lengua Occitana, compdèc damb era preséncia dera directora generau deth Libre, eth Còmic e era Lectura, M.ª José Gálvez Salvador, e deth director culturau dera Fondacion, Federico Buyolo. Jusèp Loís Sans, expresident dera Acadèmia e cotraductor dera òbra, expliquèc eth trabalh lingüistic e er impacte d’aguesta edicion, qu’includís 600 nòtes e illustracions de Gustave Doré. Era publicacion, que ja se pòt trobar en format fisic e digitau, convertís ara lengua d’Aran en ua naua votz deth classic de Cervantes.