“La memòria dels catalans” includís era realitat aranesa damb un article de Jèp de Montoya

Eth passat dimars 8 d’abriu auec lòc era presentacion de La memòria dels catalans, en CCCB de Barcelona. La memòria des catalans ei ua òbra collectiva qu’amasse mès d’un centenat d’elements qu’an contribuït a bastir era identitat collectiva de Catalonha, des des simbèus e tradicions enquiàs paisatges, personatges e hèts istorics. Damb ua vision dubèrta e plurau, analise eth patrimòni materiau e immateriau que conformen era memòria nacionau catalana. Includís un apartat dedicat ara realitat aranesa, redigit per Jèp de Montoya. Er acte compdèc damb era intervencion de Josep Ramoneda, president deth Grup 62; Borja de Riquer, director dera òbra; e es assesors Joaquim Albareda, Jaume Ayats, Margarida Casacuberta, Josep M. Muñoz, Xavier Roigé, Josep M. Salrach e Pilar Vélez. Er acte siguec condusit per Ignasi Aragay, director junhut der ARA.