Sant Jòrdi 2025

Hè dus ans era publicacion des trabalhs de traduccion d’Antòni Nogués auec ua arturada, però Antòni Nogués non s’arturèc, continuèc traduïnt. Ara, commemorant eth Sant Jòrdi, era hèsta deth libre 2025, auem eth plaser d’aufrir ueit naues òbres qu’Antòni a trabalhat pendent aguesti mesi e que s’ahigen ara traduccion deth Quishòt, iniciada per Antòni, qu’a estat objècte d’ua publicacion especiau per part der Institut d’Estudis Aranesi-Acadèmia Aranesa dera Lengua Occitana e que ja ei penjada en aguesta web. Rebrembam qu’eth trabalh d’Antòni Nogués ei considerat per aguesta Acadèmia d’ua valor molt grana, molt importanta, qu’Antòni a fornit er espaci dera varianta aranesa dera lengua occitana dera mès ampla quantitat de volums des de diuèrses lengües deth mond. E tanben rebrembam que consideram aguestes traduccions coma “òbres en camin” que volem acabar de conduïr enquiara sua definitiva publicacion. Erós Sant Jòrdi 2025!