Visita d’alumnes dera UIC procedents de nacionalitats diuèrses

Eth passat 6 de març era Acadèmia auec eth plaser de recéber ena sua sedença a Josep Lluís Ginovart, catedratic, professor dera Universitat Internacionau de Catalonha (UIC), e membre dera Societat Filiau d’Istòria, Patrimòni e Identitat, acompanhat pes sòns alumnes deth grad d’Arquitectura. Es procedéncies des estudiants èren fòrça diuèrses: França, Argentina, Mexic, Brasil, Itàlia, etc. Sigueren recebudi peth president der Institut d’Estudis Aranesi – Acadèmia Aranesa dera Lengua Occitana, Jèp de Montoya, que hèc ua brèva exposicion sus er occitan e sus era activitat dera Acadèmia. S’interessèren pera lengua occitana, era realitat culturau e lingüistica dera Val d’Aran e es projèctes que se desvolopen des der Institut d’Estudis Aranesi.