Visita d’Amàlia Sanz, naua directora der IDAPA

Eth passat 21 de mai, era naua directora der IDAPA, Amàlia Sanz, visitèc era sedença der Institut d’Estudis Aranesi – Acadèmia Aranesa dera Lengua Occitana. Siguec recebuda peth president dera institucion, Jèp de Montoya, e era vicepresidenta, Ròsa Maria Salgueiro. En aguest encastre, se hec un repàs des projèctes impulsadi amassa pendent es darrèri ans (Diccionari Occitan Aranés, Recuelh de Memòria Orau dera Val d’Aran e Recuelh de Toponimia Menora dera Val d’Aran, entre d’auti) e se meteren sus era taula naues possibilitats de collaboracion entre andues institucions entà promòir era lengua e era cultura dera Val d’Aran. Era visita se desvolopèc en un ambient de complicitat institucionau e volontat compartida.