689688086  academiaaranesalenguaoccitana@gmail.com

AMASSADA DERA SECCION FILOLOGICA DER IEC DAMB ER IEA-AALO

IMG 20201204 WA0006

ER ESTANDARD DETH CATALAN E DER OCCITAN

Eth passat diuendres dia 4 de deseme se realizèc ua amassada entre era Seccion Filologica der Institut d’Estudis Catalans e er Institut d’Estudis Aranesi-Acadèmia aranesa dera lengua occitana.

Ena amassada i participèren:

Pera Seccion Filologica der IEC, Teresa Cabré (presidenta), Ramon Sistac (vicepresident), Mila Segarra (secretària) e Màrius Serra (tresorer). Per Institut d’Estudis Aranesi-Acadèmia aranesa dera lengua occitana Jusèp Loís Sans (president), Angelina Cases (vicepresidenta), Ròsa Maria Salgueiro (secretària), Miquèu Segalàs (vocau), Jèp de Montoya (president seccion aranesa), Joan Salas Lostau (president seccion estandard), Patrici Pojada (secretari seccion estandard-membre deth IEC) e Florian Vernet.

Era salutacion siguec hèta per Teresa Cabré, presidenta dera Seccion Filologica der IEC e per Jusèp Loís Sans, president der IEA-AALO. (Podetz liéger aciu es sues salutacions).

Era amassada virèc ath torn dera nocion de lengua estandard e era sua realitat. Era ponencia pera part deth IEC siguec hèta per Ramon Sistac e pera part der IEA-AALO siguec hèta per Joan Salas-Lostau e Florian Vernet. (Podetz accedir aciu ara presentacion digitau emplegada per Ramon Sistac).

Era participacion siguec importanta e interessanta; siguec catalogada coma de besonh e se convenguec qu’era pròxima reünion, entà seguir parlant sus era lengua estandard, se realizarà en ua amassada dera Seccion Filologica der IEC ena que se convidarà a quauqui Membres der IEA-AALO entà explicar era situacion der estandard dera lengua occitana, en Catalonha e en Occitània tota.

Es posicions de coincidéncia entre es dues institucions desvelhèren, totun, ua importanta distància ena situacion d’implantacion der estandard, entre es lengües catalana e occitana.

(Es problèmes telematics mos impediren d’enregistrar convenientament era amassada.)