689688086  academiaaranesalenguaoccitana@gmail.com

Estog normatiu dera Acadèmia

20210106 182212 Min

Er Institut d’Estudis Aranesi-Acadèmia aranesa dera lengua occitana a publicat un estog entà incorporà’i es òbres normatives dera Acadèmia.
Er estog ei estructurat entà meté’i es onze òbres publicades pera Acadèmia que definissen era lengua pròpia dera Val d’Aran:

Varianta estandard der occitan: normativa ortografica, gramatica, vocabulari.
Varianta aranesa der occitan: diccionari, gramatica, vocabulari ortografic, vocabulari fonetic, nomenclator dera Val d’Aran, es vèrbs, vocabulari dera tecnologia, vocabulari des espòrts d’iuèrn.

Aguestes onze òbres definissen era lengua. Ath delà d’aguesta definicion cau anar completant eth trabalh lingüistic en tot seguir eth camin mercat per aguestes òbres. Era recerca lingüistica enes encastres lexics e morfosintactics ei tostemp en procés; non s’acabe jamès. Era lengua ei en continu moviment, e mès ena actualitat, en que s’an multiplicat es canals d’expression e s’an incrementat es comunicacions. Aguestes onze òbres publicades enes darrèrs cinc ans expliquen eth foncionament dera lengua naturau d’Aran.